Storehaugen Opp 14.mai 2026
Friidrettsgruppa i Lærdal IL arrangerte Storehaugen Opp for 16.gong Kristi himmelfartsdag 14.mai
Motbakkeløpet er på 3,7 km med stigning på 25%. Storehaugen Opp var uttaksløp til EM i fjelløp og det var mange tilreisande som ville kvalifisere seg.
84 starta i konkurranseklassa. Raskast av alle var Johan Bugge, Eidsvåg IL. Han vann på tida 33:24 minutt. Det vart spurtduell om andreplassen og Torstein Tengsareid, Egersunds idrettsklubb, vann med tre tideler over Aron Rodal Haugen, Trollheimen Fjellsportklubb på 36:16 og 36:16.3 minutt.
I dameklassa vart det løyperekord, Karoline Holsen Kyte, Førde IL , sprang på 37:13 minutt . Den forrige rekorden hadde Kirsten Marathon Melkevik på 37:24 sett i 2013. Karoline vann i fjor og, ho forbedra tida si med 32 sekund. Av alle 82 som kom i mål, hadde Karoline den 6. beste tida av alle. Eli Anne Dvergsdal, Fana IL vart nr 2 på 41:01 minutt og tredje beste dame vart Linnea Hove , BFG Bergen Løpeklubb på 42:15 minutt.
130 mosjonistar deltok på årets Storehaugen Opp. Mange var innom lavoen på toppen for få kaffi og varme seg. Værmeldinga var dårleg og dagen starta med duskregn og snøbyger på toppen. Midt på dagen slutta det å regne og det vart oppklaring og fine forhold. Stemningen på toppen var upåklageleg og mosjonistane heia på løparane som kom slitne i mål.
Tilbakemeldingane var veldig gode, men fleire klaga på at det var brattare enn i fjor.
Me arrangørane er svært nøgde med deltakinga og innsatsen på årets Storehaugen Opp .
Tusen takk til alle og vel møtt neste år!
Bjørghild Holien, løpsleiar for Storehaugen Opp.
Karoline Holsen Kyte med ny løyperekord i kvinneklassa
Vinnaren av årets Storehaugen Opp, Johan Bugge frå Eidsvåg
Fleire bilete frå løpet og løpsdagen kan sjåast på FB-sida : Bilete frå SHO2026
